VIGAN CITY – Nasurok sangaribo nga agngayangay iti nagipila ti Certificate of Candidacy-na para ti Barangay ken Sangguniang Kabataan Elections 2023 iti siudad iti Vigan
Iti pannaki-uman iti Bombo Radyo Vigan ken ni Atty. Leonila Fortuna iti Comelec, Vigan City, nakigtotda iti kinaadu iti nagipla iti COC-na para inton panagpipili ta nu yarigna idi 2018 ket ad-adu ita a tawen ta arigna adda pay kalabanda.
Segun ken ni Fortuna, idi napan nga eleksyon ket ti biang ti Sangguniang Kabataan ket arigna agkurkurang pay iti grupoda ngem nu ita ket adu iti nagipila.
Manipod met idi Lunes August 28 agingga September 2 ket umab-abot iti duagasut iti maaw-awatda a COC filing ngem kaadoan iti nagipila ket idi September 1 ta umabot iti 349.
Nupay kasta, nayunay-unay kadagiti nagipila a nu government employee-da ket automatic a maikkatda iti trabaho apaman a makaipilada isu nga adda iti maysa a nag-withdraw idinto nga awan met iti parikot para kadagiti agdama a nakatugaw iti pwesto ti Barangay ta saanda a maikkat uray agipilada.
Kabayatanna, saan met a mabalin nga agipila dagiti adda kabagyanna nga agdama a nakatugaw iti pwesto iti agingga 2nd degree of consanguinity.
VIDEO AUDIO OF ATTY. LEONILA FORTUNA
