VIGAN CITY – Tallo a tattao iti kinemmeg ti Sta. Cruz iti sumango iti kaso a panaglabsing iti Sec9 iti Republic Act 11332, Article 151 ken Municipal Ordinance 006 Series of 2020.
Dagiti nakemmeg ket da Albert Turgano, agtawen ti tallo pulo ket tallo, baro, maysa a construction worker; Reymar Asuit, agtawen ti tallo pulo ket tallo, baro nga agpada nga agnaed iti Barangay Sevilla, Sta Cruz ken ni Lenlee Atao, agtawen ti lima pulo ket innem, agtagilako, naasawaan nga agnaed iti Barangay Casilagan, Sta Cruz.
Naamuan iti Sta Cruz Police Station iti a panaglako ni Atao kadagiti arak kalaksidan iti maipapatungpal a liquor ban iti nasao nga ili isu a nangisayangkatda iti operasyon.
Gapu iti dayta, nakita dagiti pannakabagi ti linteg iti panaggatang da Turgano ken Asuit iti 2×2 nga arak nga aggatad iti sangagasut a pisos iti paglakoan ni Atao a banag a nakakemmeganda.
