VIGAN CITY – Nadundunor dagiti tallo a lalaki a naglugan iti SUV gapu iti pannakaidungparda iti maysa a wingvan a nakaparking idiay Brgy. Magsaysay District, Santa.
Segun ti Santa Municipal Police Station, ti driver iti Fuso Truck wingvan ket ni Rhamvine Kyrl Mariano, agtawen iti tallopulo ket innem, baro nga agnaed idiay Brgy. 154 A Jose St. San Juan Balagtas, Bulacan idinto a ti nagmaneho iti Toyota Avanza ket ni John Carlo Villena, agtawen iti duapulo ket innem, baro, estudyante nga agnaed idiay Brgy. 75 P1 San pedro Apartado, Alcala Pangasinan.
Agturong ti SUV iti amianan a direksyon ket idi nadanonda iti nasao a lugar ket nagdungsa ti driver a gappuanan iti pannakaidungparda iti wingvan a nakaparking iti igid ti highway.
Gapu ti dayta, limteg ti rupa ken akin-kannigid nga ima ti driver ti SUV a ni Villena idinto a dagiti kakaduana a da Vincent De Vera, agtawen iti duapulo ket lima, baro ket mapapati a nagsagaba iti fractured iti timidna ken maysa nga agtawen ti siam a lalaki iti nadunor iti tengngedna.
Agpapada a naipan iti Ilocos Sur District Narvacan dagiti naglugan ti SUV para iti pannakatamingda.
Kabayatanna, nakapagsaritan dagiti dua a partido inaig iti nasao a pasamak.
