VIGAN CITY – Maysa a pick-up ken SUV iti nagdinnungpar iti sangwanan iti simbaan iti ili ti Cabugao idiay Brgy. Baclig.
Segun ti Cabugao Municipal Police Station, dagiti karaman iti insidente ket da Ricardo Soria Pablico, agtawen iti pitopulo, naasawaan nga agnaed idiay Brgy. Puspus, Bantay a nagmaneho it Toyota Fortuner a nangisit idinto a ti nagmaneho iti Toyota Hilux ket ni Eric Castro Doming, agtawen iti uppat a pulo ket uppat, naasawaan nga agnaed idiay Barangay Teppeng, Sinait.
Maibasar iti inisyal nga imbestigasyon, agturong bagatan a direksyon ni Pablico idi immagaw iti linya ni Doming a gappuanan iti panagdinnungparda.
Mapapati a nagdungsa ni Doming ngem nupay kasta ket awan iti nadangran iti insidente ket saan pay a naamwan nu mano iti gatad iti nadadael a paset dagiti lugan.
