--Ads--
VIGAN CITY – Mapapati a nakaturog ti driver ti maysa a Mitsubishi Estrada a nakaraman ti self vehicular traffic incident idiay Brgy. Suso, Sta. Maria.
Nabigbig ti driver a ni Jorel Mammuad Guillermo agtawen ti dua pulo ket uppat ken agnaed ti Brgy. 23, San Nicolas, Ilocos Norte.
Segun ti Sta. Maria Municipal Police Station, agpapaabagatan a direksyon ti nasao a lugan ket idin makadanun iti agkurba a paset ti kalsada mapapati a nakaturog ti driver ken immagaw ti linya a rason iti pannakaaksidentena.
Nagsagaba ti biktima iti dunor ken naipan ti Ilocos Sur District Hospital Narvacan para iti pannakataming na ken dukduktalenen ti PNP no mano iti gatad ti nadadael a paset ti lugan.
-- ADVERTISEMENT --
