VIGAN CITY – Lima a lallaki ti nakemmeg iti naisayangkat nga anti-illegal gambling operations idiay Barangay Dacutan, Magsingal, Ilocos Sur.
Dagiti suspek ket da Dexter Tamargo Lumaban, agtawen iti innem a pulo ket innem, naasawaan nga agnaed idiay Barangay San Vicente, Magsingal; Nick Tabuyo Robino, agtawen iti limapulo ket uppat, naasawaan, nga agnaed idiay Barangay Manzante, Magsingal; William Tabuyo Ulibas, agtawen iti limapulo ket pito, naasawaan nga agnaed idiay Barangay Dacutan, Magsingal; Rolly Tabesula Caras, agtawen iti limapulo ket siam, baro nga agnaed idiay Barangay Manzante, Magsingal; ken Richard Ayon-ayon Agdigos, agtawen iti tallopulo ket innem, naasawaan nga agnaed idiay Barangay Manzante, Magsingal.
Iti pannaki-uman ti Bombo Radyo Vigan ken ni PCapt. Rodel Ragasa manipod Magsingal Municipal Police Station, naaktoan iti panagay-ayam iti dado dagiti lima a suspek a gappuanan ti pannakakemmegda ken nakaalaan iti pusta nga aggatad iti P9,138, uppat a piraso iti dice, duagasut sangapulo ket maysa a piraso iti chips, maysa a piraso iti marker, maysa a piraso iti dice tube, dua a piraso iti wooden money box ken dua a piraso iti pot cover.
Segun ken ni Ragasa, datin nga adda mairereport kadakuada inaig iti panagsusugal iti nasao a lugar isu a babaen iti naisayangkat nga operasyon ket nakumpirmaran iti araramiden nga ilegal dagiti suspek.
Nupay kasta ket umuna a gundaway a nakemmeg dagiti suspek inaig iti nasao a kaso.
VOICE OF PCAPT RODEL RAGASA
