Mangisaysayangkat ti Nagbukel Fire Station iti fire safety lectures kadagiti barangay ken pagadalan kagiddan iti panangpaliiw ita a bulan iti Fire Prevention Month.
Iti pannaki-uman ti Bombo Radyo Vigan ken ni Senior Fire Officer 1 Loyd Francis Lorena, Chief Admin, Shift-in-Charge ti BFP-Nagbukel, ti addang ket tapno maipakaammo kadagiti agindeg no kasano a maliklikan ti uram.
Balakadna a pagtalinaeden a nadalus ti pagtaengan ken yadayo dagiti puspuro, lighter ken dadduma pay a flammable material kadagiti ubbingd tapno saanda nga ay-ayamen ta no dadduma ket isu ti pagtaudan ti uram.
Maibalbalakad pay ti panangliklik iti agisaksak iti adu unay nga appliances iti maymaysa a saksakan, nangruna dagiti high-wattage devices kas ti space heater ken microwaves.
Agusar iti power strip nga adda circuit breaker-na, sansanen nga inpeksyonen dagiti waya ken saksakan no adda dadaelda, ikkaten ti saksakan dagiti appliance no saan nga us-usaren.
Kas paset iti inda pannakikaysa iti Fire Prevention Month, nangisayangkatda iti Simultaneous Blowing of Horns and Sirens.
