Iruar ti Commission on Elections (Comelec) ita nga aldaw iti website-da dagiti nagan ti party-list nominees.
Segun ken ni Comelec chairman George Garcia, saanda nga insigida nga inruar ti listaan ta masapulda a kissayan ti impormasyon a mabalin a manglabsing ti data privacy.
Kinuna pay ni Garcia nga iruar laeng ti poll body ti impormasyon iti publiko iti salinong ti nakalanad iti linaon ti certificate of candidacy iti salinong ti Section 74 ti Omnibus Election Code a pakairamanan ti pagnaedan, partido politikal a nakairamananda, civil status, aldaw iti pannakaiyanak, address ti post office para kadagiti kalikagum iti eleksyon ken propersyon wenno trabaho.
Immunan a pinasingkedan ni Garcia nga iruar ti Comelec ti COC ken certificates of nomination and acceptance para iti 2025 polls iti kaunaan a gundaway tapno maliklikan ti baro a kaso ni dismissed Bamban, Tarlac Mayor Alice Guo a nangabak a Mayor iti laksid iti mapapati a madi nga impormasyon a nakailanad iti birth certificate-da.
