Dinakamat ni Senate Pro Tempore Panfilo Ping Lacson dagiti nagikkat ti puesto a da Presidential Legislative Liaison Office Undersecretary Adrian Carlos Bersamin at Education Undersecretary Trygve Olaivar a maipagarup a nangusar ti nagan ni Presidente Ferdinand Marcos Jr. mainaig ti P100 billion budget insertion.
Pinasingkedan ni Lacson a pinaayaban isuna ti kampo ni dati a Department of Public Works and Highways (DPWH) Undersecretary Roberto Bernardo kalpasan nga imbutaktak ni dati nga Congressman Zaldy Co iti P100 bilyon insertion budget ti presidente.
Innayon ni Lacson nga imbaga ni Bernardo kenkuana a personal a naiggaman na ti P52 bilyon manipud iti P81 bilyon a pondo para iti DPWH ken nag-deliver isuna ti kuwarta ken ni Olaivar a posible a kadua ni Bersamin.
Kabayatanna, maipagarup a naikkan pay ti 16 percent commitment ni Olaivar. Reynand Fontejon
