Natalek ni House Assistant Majority Leader ken Lanao del Sur Representative Zia Alonto Adiong a kabaelan ti Philippine Statistics Authority (PSA) ken National Bureau of Investigation (NBI) nga iverify dagiti nagan a mapapati a nakaala ti confidential funds iti opisina ni Vice President Sara Duterte.
Dayta iti kinuna ni Adiong kasaruno ti nagwaras nga impormasyon nga adda ti nagan a Chel Diokno ken Marian Rivera nga immawat ti mapapati a kontrobersyal a confidential funds ni Vice President Duterte.
Segun ken ni Adiong, napateg a maammoan dagiti indibidual nga immawat ti confidential fund ni Duterte kas maibasar kadagiti acknowledgement receipt a naipasa iti Commission on Audit wenno COA.
Kinunana a saan nga amin nga acknowledgement receipt ket nakita ken naimbestigaran a kas iti entry iti nagan da Diokno ken Rivera.
Adu kadagiti acknowledgement receipt ti saan a nairuar iti imbestigasyon ti House Committee on Good Government and Public Accountability.
