VIGAN CITY – Naballaygi nga inwayat dagiti pannakabagi ti linteg iti agduma nga ili ti probinsya ti operasyon kontra kadagiti iligal nga agsusugal.
Immuna a naiwayat ti Anti Illegal Gambling Operation idiay Brgy. Sto. Thomas, Sto. Domingo no sadino nakemmeg dagiti lima a suspek nga agayayam ti Lucky 9 iti natayan a da Mark Ericson Tinaya, Zoren del Frado, Arnolfo Tabbuada, Edgordo Magollo ken Benjie Tabangin.
Naala kadakuada ti kwarta a sangaribo siam a gasut dua pulo ket innem a pisos ken baraha a naaramat.
Kabayatanna inwayat met ti Sinait Municipal Police Station ti operasyoda idiay Brgy. Dadalaquiten Sur no sadino nabigbig dagiti nagayayam ti lucky 9 a da Demetrio Ugay, Don Yadao, Joel Conseja ken iti bangir a lamisaan ket da Arvie Yagin, Roger Tangonan ken nakalibas ti dua a kadduada.
Pakabuklan a tallo gasut a pisos iti naala manipod kadagiti suspek a nagsusugal.
