VIGAN CITY – Uppat iti nakemmeg gapu iti panagay-ayamda iti Pusoy idiay Brgy. Cadanglaan, Banayoyo, Ilocos Sur.
Segun ti Banayoyo Municipal Police Station, dagiti nakemmeg ket da Mercy Angeles Toquero, agtawen iti tallopulo ket lima, naasawaan, housewife; Rhoda Gayda Manzano, agtawen iti limapulo ket maysa, barangay health worker; Luciana Cabubos Sanchez, agtawen iti limapulo ket siam; housemaid; ken Carl Gragasin Gambala, agtawen iti duapulo, baro, chicken dresser nga agpapada nga agnaed idiay Brgy. Cadanglaan, Banayoyo.
Babaen kadagiti nagresponde a pannakabagi a linteg kalpasan nga adda nangipakaammo iti mapapati a panagsusugal ket naaktoan dagiti suspek iti panagay-ayamda iti Pusoy.
Dagiti naala kadakuada ket maysa a set iti baraha ken pusta nga aggatad iti P1,400.
Naipan iti Candon General Hospital para iti medico legal dagiti naglabsing ngem naiyakarda met laeng iti Banayoyo Municipal Police Station para iti documentation ken disposition-da.
