--Ads--
VIGAN CITY – Maysa a dolphin iti naipaigid iti kabaybayan idiay Brgy. Puro, Magsingal, Ilocos Sur idi kalman.
Iti pannaki-uman ti Bombo Radyo Vigan kenni Brgy. Capt. Zaido Tabalanza, maysa a kalugaranda iti nakakita iti dolphin isu a nagrespondeda nga insigida ket tinawaganda iti Bureau of Fisheries and Aquatic Resources (BFAR) gapu iti dunor a sinagabana.
Inpadasda nga ipalubos ti dolphin ngem agsubli ken arigna agpaarayat kadakuada gapu ti dunor iti subsub ken bakrangna.
Naipan iti BFAR-Narvacan ti dolphin para iti pannakataming ti dunor a sinagabana ken isudanton iti makaammo a mangpalubos ti kabaybayan.
-- ADVERTISEMENT --
