VIGAN CITY- Mangisayangkat ti boodle fight ti provincial government ti Ilocos Sur inton Martes ket maisagana dagiti nadumaduma a putahe ti karne ti manok.
Idauluan daytoy ni Governor Ryan Singson tapno ipakita ken paneknekan iti publiko a natalged a sidaen ken saan nga apektado ti avian flu virus dagiti karne ti manok iti probinsiya.
Imbitado dagiti opisyal ken empleyado ti gobierno ken dagiti miembro ti media iti nasao a boodle fight.
Maipalagip nga insigida nga inpairapit ni Governor Ryan Singson ken iti provincial quarantine office iti panangiserrek kadagiti poultry products manipud Pampanga tapno saan a makastrek ti virus iti probinsiya.
Immunan nga inpasigurado ti Department of Health (DOH) a natalged a sidaen dagiti karne ti manok no laketdi maluto a naimbag.
