VIGAN CITY – Naikkanen iti safety seal dagiti nadumaduma nga establisimiento ti Vigan City kalpasan ti pananginspeksyon kadakuada dagiti nagkikinnammayet nga ahensia kas ti Department of the Interior and Local Government, Labor and Employment pakairamananen ti City Licensing Office.
Dayta ket gapu ta sumursurot dagiti establisimiento kadagiti nadumaduma a Covid19 health protocols kas ti panagaramat iti facemask ken faceshield, panangsurot iti social distancing, kaadda dagiti barrier.
Numan pay dagitoy nga establisimiento ket addaanen iti safety seal ket masapul latta nga itultuloyda a sumurot kadagiti protocol tapno saanen a manayunan ti kaso ditoy probinsia.
Agtultuloy met ti panangpalagip ti city government kadagiti residente a sumurot kadagiti pagannurotan ken ti panangallukoyda nga agpabakuna.
