VIGAN CITY – Nadumaduma nga aktibidad ti maangay ita a bulan ti Marso kas paset ti selebrasyon ti National Women’s Month.
Ita nga aldaw, March 4 iti oras ti alas otso iti agsapa ket maisayangkat ti Thanks Giving Mass idiay St. Paul Metropolitan Cathedral Cathedral ket kalpasan ti misa, addanto motorcade iti aglawlaw ti siudad.
March 5 ket isu ti Cervical Cancer Screening idiay Barangay VIII Covered Court; ken March 7 iti alas otso iti agsapa ket maaramid ti Kasali Kami: Disaster Preparedness Webinar for Women, Children, Youth and Students, and Senior Citizen babaen ti Civil Defense Ilocos-Pangasinan Region Facebook Page.
March 7-31 ket adda Women Food and Trade Fair iti sangwanan ti City Hall malaksid laeng iti weekends idinto nga iti tunggal Martes ti daytoy a bulan ket isu ti panagisuot iti purple face masks.
March 8 iti alas otso iti agsapa, adda virtual Introduction to Disaster Risk Reduction and Management; March 7-9 met ti Interactive Virtual Lecture/Consultation.
March 10 ket isu ti pannakayuswat ti Buntis Care Project idiay Vigan Conservation Complex; March 10-31 ket maiwaras ti Buntis Kits iti siudad ti Vigan; ken March 14 ket isu ti Gift Giving kadagiti Persons Deprived of Liberty idiay Bureau of Jail and Management Penology.
