VIGAN CITY – Maysa a truck a naglaon iti uppat a pulo ket maysa a karton iti nadumaduma a frozen products iti inkali dagiti kameng ti Provincial Quarantine Office kalpasan iti pannakasalamana iti ili ti Tagudin.
Iti pannaki-uman iti Bombo Radyo Vigan ken ni Provincial Board Member Efren Rambo Rafanan, pagyamananna iti pannakasalama ti nasao a truck a naggapo idiay Bulacan ta posible a mangitunda iti peggad iti African Swine Fever kadagiti taraken a baboy iti probinsia.
Kwinestyunaran ni Bokal Rafanan iti panangpanggepda nga agiserrek iti probinsia kadagiti produkto ta naipakammo metten a maiparit ket numan bilang a kalikagumda iti agilako ket nasaysayaat no surutenda iti husto a proseso tapno awan iti pakababalawanda.
Kabayatanna, kiddawna kadagiti amin a negosyante a saandan nga ag-order wenno agaramid iti pakaisagmakan iti intero a probinsia ta inyunay-unayna a narigat iti sasaaden ti dadduma a probinsia gapu iti pannakaapektar dagiti tarakenda a baboy iti ASF a gappuanan iti nangina a presyona iti agdama.
