VIGAN CITY – Innem a pulo a porsiento pay laeng iti nalpas a nadalusan iti Pantay Tamurong Elementary School a nakaru a naapektaran gapu ti Bagyo Egay, nakurang dua a lawas sakbay ti opening ti klase.
Iti pannaki-uman ti Bombo Radyo Vigan ken ni Robert Domondon a Principal iti nasao a pagadalan, back-to-zero da ta awan pulos iti nagbanagan dagiti alikamen iti nasao a pagadalan.
Namnamaenna nga adda latta dagiti mabalinda nga aramaten ta dandanin ti panaglukat ti klase ngem napalus iti panagkiddawna iti tulong kadagiti amin para iti napaspas a panagtignayda, dayta man ket pisikal, banag wenno pinansyal ket dakkel a banagen para iti pagdalan.
Nupay kasta, ikagumaanda nga ipaay ti kabaelanda para kadagiti agad-adal isu a kitkitaendan ti modular a wagas iti panagadal dagiti ubbing.
Kabayatanna, nagyaman isuna kadagiti amin a naayat a tumultulong manipod pay laeng idi nalpas iti bagyo agingga iti agdama.
VIDEO OF PRINCIPAL ROBERT ROMONDON
