VIGAN CITY- Nakaragsakan ti Magdalo Partylist iti nadagdadgsen nga statement ti Association of Southeast Asian Nation (ASEAN) inaig iti panangkontra da ti militarisasyon ken expansionism ti China idiay South China Sea.
Segun kenni Magdalo Partylist Representative Gary Alejano, kagudwa kadagiti miembro ti ASEAN ket apektado iti agresibo a panagtagikwa ti China iti 90% iti pakabuklan ti South China Sea pakairamananen iti pagilian tayo a Pilipinas.
Innayonna a panawenen tapno trataren ti ASEAN iti isyu kas maysa nga organisasyon ken ipatungpal ti binding code of conduct kalpasan iti sangapulo ket lima a tawen sipud napermaan ti Declaration of Code of Parties idi 2002 a saan a binigbig ti China.
Patien iti agpanpanday linteg a babaen ti Code of Conduct ket masigurado iti linak ken talna iti rehiyon ken tulbek tapno respetaren iti tunggal pagilian ti teritorial integrity ken equal standing of states.
Kabayatanna, dinayaw ti Magdalo Partylist ti Vietnam gapu iti panangkiddaw da iti natibtibker a statement ti ASEAN kontra iti militarization ken reclamation activities ti China idiay South China Sea.
