--Ads--
Idurduron ni Senador Robin Padilla ti nadagdagsen a pannusa kadagiti kaso ti sexual assault babaen ti panangpatibker iti Anti-Rape Law of 1997 tapno dagiti aglabsing ket madusa iti death penalty ti “aggravating circumstances.”
Inpila ni Senador Padilla ti Senate Bill 2777 tapno ad-adda a mapapigsa ti linteg kontra iti panangabuso ken pagbalinen a gender-responsive, ta ti kaso a rape ket mapaspasamak kadagiti lallaki ken babbai.
Innayonna pay ti panagadal manipud iti Council for the Welfare of Children ken ti United Nations Children’s Fund (UNICEF) idi 2017 a mangipakpakita nga ad-adu a kaso ti sexual violence ti mapaspasaran dagiti lallaki nga agtawen iti sangapulo ket tallo agingga duapulo ket uppat no iyarig kadagiti babbai.
