VIGAN CITY – Nu iggaman ti dungdung, imposible a saanka a maugingan. Aglako ka kadi ti maysa a banag a dimo ammo ti ramanna?
Pagsasao dagita a pinaypayso ni Junjun Molina, ti lalaki a natiliwda iti drug buy-bust operation nga agilaklako iti shabu idiay Mabilbila Sur, Santa.
Saan laeng nga aglako iti shabu, aglaklak pay ta napaneknekan iti naisayangkat a drug test a positibo, kayatna a sawen, agus-usar pay.
Segun iti pannakisarita ti Bombo Radyo kenni Police Captain Samuel Reyes, chief of police ti ili a Santa, isag-saganadan ti kaso a maiparbeng a sangwenna, ket ipiladanton iti korte.
Inaig dayta, binagbagaan ti chief of police dagiti agtutubo, amin nga umili, kangrunaan dagiti drug surrenderer nga isardengdan ti agusar iti iligal nga agas.
