--Ads--
Maysa a sidecar ti nasarakan idiay Barangay Darapidap, Candon City babaen iti maysa a barangay tanod.
Pinakaamoan ti kapitan ti Candon City Police Station maipanggep iti pannakasarak ti nabaybay-an a black sidecar nga adda markana a GARCIA Family iti likudan a pasetna.
Nagresponde dagiti pannakabagi ti linteg iti lugar ket nasangpetanda ti sidecar iti asideg ti waiting shed ti Purok 4, Sitio Sapilang, Barangay Darapidap.
Mapapati a tallo agingga lima nga aldawen ti kaadda ti sidecar iti nasao a lugar sakbay a nadiskubre. Nakita met iti uneg ti sidecar ti OR/CR a nakainagan iti nakairehistroanna a ni Andres Rasca Geronimo, taga-Sitio Tebag, Lomboy, Binmaley, Pangasinan
-- ADVERTISEMENT --
