--Ads--
VIGAN CITY – Nauram ti maysa a pagtaengan gapu iti nabaybay-an a nakasindi a sigarilyo idiay Brgy. Cubcubuot, Candon City, Ilocos Sur.
Segun ti Candon City Police Station, kukua ti pagtaengan ni Richard Molina Sulmerano, agtawen ti tallopulo ket dua, baro, mapapati a mentally ill nga agnaed iti nasao a lugar.
Maibasar ti inisyal nga imbestigasyon, nagsindi ni Sulmerano ti sigarilyo sana pinanawan ti pagtaenganna ket kalpasan laeng ti mano a minutos ket nakita ti karrubana a maururamen ti unegna isu a nagresponde ti BFP personnel iti Candon.
Gapu ti dayta, umabot ti limapulo a ribo a pisos iti gatad ti nadadael gapu iti napasamak nga uram.
-- ADVERTISEMENT --
