VIGAN CITY – Nasarakan ti maysa a motorsiklo idiay Brgy. Poblacion, Galimuyod.
Maibasar ti pakaammo manipod ti Galimuyod Police Station, impakammo ni Francisco Dawele Villanueva, agtawen ti innem a pulo ket lima, naasawaan, BPAT nga agnaed idiay Brgy. Poblacion, Galimuyod a bayat ti panagpatrolyada iti nasao a barangay kangrunaan iti asideg iti Municipal Dump Site ket nakitada iti abandonado a motorsiklo a nakaparking iti igid ti kalsada.
Naamwan a ti nasao a motorsiklo ket maysa a Honda Click 125 nga agmaris iti puraw ket awan ti nauray dagiti pannakabagi ti linteg a nangala iti nasao a motorsiklo isu nga impandan iti kustodiya ti Galimuyod Police Station.
Nupay kasta, babaen ti panagtitinnulong dagiti otoridad ket naalan ti akinkukua ti nasao a motorsiklo nga agnaed iti ili ti Sta. Lucia.
