VIGAN CITY – Manarimaan pay laeng iti imbestigasyon ti Cabugao municipal police station iti panagtakawan a napasamak iti Municipal Treasury Office ti ili a nakapukawan iti dua gasut a pisos.
Segun ken ni Police Captain Ramil Llarenas, hepe ti Cabugao police station, adda dagiti CCTV iti asideg ti nakapasamakan iti panagtakawan a kinita da nga isu iti manamnama a makatulong iti imbestigasyon.
Nu rabii ket adda iti agbanbantay iti lugar nga ayan ti opisina a natakawan ngem nu alas otso agingga alas dyes ti rabii, mapan makipaset iti checkpoint operation ti agbanbantay a pulis isu a mapanawan na ti lugar ket agsublin to inton malpasen ti nasao nga operasyon.
Pinasingkedan ni Llarenas a maibasar iti testimonya dagiti agop-opisina idiay Municipal Treasury Office, awan iti napateg a dokumento a napukaw, malaksid laeng iti nasao a gatad.
