Impatungpalen ti Department of Agriculture (DA) ti maximum suggested retail price (MSRP) a PhP120.0 kada kilo para kadagiti imported a sibuyas tapno lapdan ti nakaro nga ingingina ti presio dagiti nasao a produkto sakbay iti Paskua.
Uray pay no ti landed cost ket PhP60.00 kada kilo laeng, dagiti medium red onion idiay Metro Manila ket mailaklako iti PhP250.63 kada kilo, ken dagiti medium white onions iti Php142.53 kada kilo, a mabalin pay a ngumina agingga iti PhP300.00 kada kilo kadagiti sumagmamano a paglakoan.
Impaganetget ni DA Secretary Francisco Tiu Laurel, Jr. a mangipaay latta ti pastrek ti cap iti amin a nairaman ngem manglaplapped ti profiteering, ken mangidaulo ti DA ken Department of Trade and Industry (DTI) iti naing-inget a monitoring.
Manamnama nga iruar ita a lawas ti MSRPs para iti imported pork ham, pork belly, ken carrots.
