VIGAN CITY – Naisublin iti motorsiklo a napukaw ni Rommel Mendoza, agtawen dua pulo ket walo, baro nga agnaed idiay Barangay Pidpid, Sta. Cruz nga innala ti suspek a ni Jezrael Tejada, addaan usto a tawen, collector nga agnaed idiay Barangay San Nicholas, Candon idi inbati na idiay Brgy. Pob. Este, Sta. Cruz.
Segun kenni P/Capt Roger Baling-Oay a hepe ti Sta. Cruz Municipal Police Station, napan nagpatulong ni Mendoza inaig iti napukaw a motor a ginuyod ti kompanya a nangalaan na iti motorsiklo ta saan a nakabayad ti tallo a bulan.
Maysa a panaglabsing iti inaramid ni Tejada agsipud ta nasaysayaat koma nga impakada wennu inpakammo da met laeng ken ni Mendoza nga alaen da iti motorsiklo a tintinnagan na ta saan a nakabayad ti tallo a bulan.
Kabayatanna, parikot pay ti biktima ta napukaw ti dua gasut a ribo a pisos nga inkabil na iti compartment iti motorsiklo a mapan na kuma i-remit iti opisina da ngem inpatangken met ni Tejada nga awan iti kwarta a nakita na iti uneg ti compartment iti motorsiklo.
Adda met iti pammaneknek ti biktima a a napukawan iti kwarta ta adda dagiti resibo nga ipakpakitana kadakuada isu a manarimaan iti naun-uneg nga imbestigasyonda.
