--Ads--
Maysa a motorsiklo ti nauram idiay Barangay Baringcucurong, Suyo, Ilocos Sur kabayatan ti panagdalyasatna iti kalsada.
Ti BMW motorcycle ket minaneho ni John Ruyd Dayao Dy, agtawen iti duapulo ket siam, taga-Sta. Cruz, Bacnotan, La Union.
Iti pannaki-uman ti Bombo Radyo Vigan ken ni PLT. Marinel Leonen, agpapalaud ti motorsiklo ket idi magtengna ti nakapasamakan ti insidente, linisyanna ti aso a nagballasiw ngem naguyas iti kalsada, puon ti nangrugian iti pannakauram ti motorsiklo.
Innayonna nga awan met ti nagpalya iti motorsiklo ngem mapapati a naaddaan iti friction ket adda nagleak a gas isu a nauram.
-- ADVERTISEMENT --
Nadepdep ti apoy babaen kadagiti nagresponde a kameng ti Bureau of Fire Protection iti alas dyes iti rabii.
Awan met ti nadunor iti napasamak.
