VIGAN CITY – Maysa a motorsiklo ti nakasapgid ti maysa a tricycle idiay Brgy. Callaguip, Caoayan.
Nabigbig ti driver ti nangisit a Barako 175 Tricycle a minaneho ni Roderick Piga agtawen uppat a pulo ket maysa ken agnaed ti Brgy. Balaleng, Bantay ken ti nangisit a Yamaha NMAX a minaneho ni PSSg. Randy Serrano agtawen uppat a pulo ket pito a kameng ti Bantay ken agnaed ti Brgy. Manangat, Caoayan.
Basar ti report manipod ti Caoayan Municipal Police Station, agpapaabagatan a diresyon dagiti dua a lugan ket agsikko kuma ti tricycle ngem dadael ti signal lightna iso a saan a nadlaw ni Serrano ket nasapgidna ti triycle a puon ti aksidente.
Naipaagas nga insigida ti Ilocos Sur Provincial Hospital dagiti dua a driver.
Innayon ti PNP a nakapagpatangan dagiti dua a driver inaig iti nasao a pasamak
