VIGAN CITY – Natukkol ti akin-kannawan nga ima ti maysa a nagmaneho iti motorsiklo gapu ti pannakasapgid kenkuana ti Isuzu elf truck idiay Barangay Baliw, San Juan.
Nabigbig ti nagmaneho iti motorsiklo a ni Regalado Fariñas, agtawen iti limapulo ket uppat, security guard ken adda backrider-na a ni Marites Torrifiel Ariston, agtawen iti limapulo ket maysa, agpada a taga-Barangay IV, Vigan City.
Kabayatanna, nabigbig met ti nagmaneho iti white Isuzu Elf Truck a ni Prince Monty Marquez Guevarra, agtawen iti tallopulo ket lima, taga-Barangay Rizal, San Pablo, Candaba, Pampanga.
Agpada nga agpapa-abagatan a direksyon dagiti dua a lugan idin ta nag-overtake ti Isuzu Elf Truck iti kurbada a paset ti kalsada.
Imbumbuntog met ti drayber ti motorsiklo ti panagpatarayna agsipud ta accident-prone area ti nasao a lugar ngem idi nagsubli ti linyana, isu met ti pannakasapgid kenkuana ti elf truck.
Gapu dayta, natukkol ti akin-kannawan nga ima ti nagmaneho ti motorsiklo idinto a saan met a naan-ano ti kinalubbonna.
