Mapukpukaw ti motorsiklo a kukua ti maysa a lalaki a taga-Barangay Langlangca 2nd, Candon City, Ilocos Sur.
Segun iti akinkukua iti motorsiklo, alas sais y media idi June 27, kabayatan ti panagdalyasatna iti national highway kangrunaan iti rangtay a sakupen ti Barangay Langlangca 2nd, Candon City, mapapati a pinatitda ti helmet-na babaen iti kayo dagiti 2 a saan pay a nabigbig a lalaki a nagkalubbon iti motorsiklo.
Gapu iti amakna para iti kinatalgedna, dagus a nagmenor ket im-parking-na ti motorsiklona iti kalsada ken imbatina nga awan ti agbambantay ken nakatulbek ti luganna.
Kalpasanna, timmaray a nagpaabagatan tapno maliklikan ti posible a peggad.
Alas siete iti isu met laeng nga aldaw, sinublian ti akinkukua ti motorsiklona ngem naduktalannan a mapukpukaw, isu a nagpatulongen iti Candon City Police Station.
