VIGAN CITY – Maysa a motorsiklo ti mapukpukaw idiay Brgy. Bateria, San Esteban.
Iti pannaki-uman ti Bombo Radyo Vigan kenni PLt. Arnold Calzado ti San Esteban Municipal Police Station, nakaawatda ti tawag manipud kenni Municipal treasurer Encarnacion Dedicatoria a mapukpukaw ti motor a Yamaha Mio 125 nga agmaris ti orange/black a kukua ti kaanakanna a ni Jefferson Ramos Ordonez, agtawen ti tallopulo a maysa ket patienda a naitaray iti uneg ti compoundda.
Naamuan a ti kabsat ti biktima ti naudi a nangiparking ti motor ngem nabatina ti tulbek isu nga agdudua dagiti otoridad ta awan ti nangngegda a nagtaol nga aso idi naala ti motor.
Nupay kasta, adda dagiti mangibagbaga a nakakita ti motor ngem manarimaan iti panagimbestigar dagiti pannakabagi ti linteg inaig ti nasao a pasamak.
