Motorsiklo ken SUV, nagdinnungpar iti ili ti Santa

VIGAN CITY – Naipaagas iti ospital ti maysa a nagmaneho iti motorsiklo gapu ti pannakaidungparna iti SUV idiay Barangay Banaoang, Santa.

Nabigbig ti drayber iti motorsiklo a ni Erick Yap, agtawen iti tallopulo ket maysa a taga-Sta. Rosa, Nueva Ecija idinto a ti SUV ket minaneho ni Sherwin Pante, agtawen iti uppat a pulo ket uppat a taga-Barangay 54-B Camangaan, Laoag, Ilocos Norte.  

Agpapa-amianan a direksyon ti motorsiklo a napaspas ti tarayna idin ta nakadanun iti kurbada a paset ti kalsada ket saanna a natantya ti kalsada a gapuanan ti panagdinnungparada ti SUV.

Gapu dayta, nagsagaba iti dunor ti drayber ti motorsiklo idinto a ti drayber ti SUV ket saan a nadangran.