VIGAN CITY – Naipaagas iti ospital ti maysa a nagmaneho iti motorsiklo gapu ti panagdinnungparda iti SUV iti Bantay-San Vicente ProvinciaL Road, Barangay Bayubay, San Vicente.
Ti motorsiklo ketminaneho ni James Maximo, agtawen iti tallopulo ket innem, security guard, taga-Barangay Bantaoay, San Vicente idinto a ti SUV ket minaneho ni Enrico Farinas, agtawen iti walopulo ket tallo, retirado a doctor a taga-Barangay Alta Mira, Bantay.
Agpapadaya a direksyon ti motorsiklo idinto a ti SUV a rumrumuar manipud iti Encarnacion Street nga agturong iti laud a paset ket immagaw iti linya, a rason ti panagdinnungparda.
Gapu dayta, natukkol ti akin-kannigid a saka ti nagmaneho iti motorsiklo ken naipaagas iti Metro Vigan Hospital Bantay para ti pannakatamingna idinto a ti drayber ti SUV ket saan a naan-ano.
