VIGAN CITY – Im-imbestigaran ti Santiago Municipal Police Station ti pakabigbigan dagiti suspek iti carnapping idiay ili ti San Esteban.
Segun ken ni P/Lt. Godofredo Ribuyaco, agpatpatrolya dagiti kameng ti Santiago Police Station idin ta nakitada dagiti dua a lalaki nga agtaktakder ken sumirsirip iti maysa a pagtaengan.
Idi inaksikganda ida ket pinatarayda nga insigida ti agmaris iti black orange a Mio 125 motorcycle ket idi nasurot dagiti pannakabagi ti linteg, timmapwak dagiti suspek ket nagturongda iti kataltalunan.
Kinamat dagiti pannakabagi ti linteg dagiti dua a suspek ngem saanda a nakamatan.
Nupay kasta, nakumpirmaran a ti motorsiklo ket isu ti natakaw idi July 7 a kukua ni Jefferson Ramos Ordonez, agtawen iti tallopulo, OFW a taga-Bateria, San Esteban.
