Mapukpukaw ti motorsiklo a kukua ti maysa a babai kalpasan ti panangiparkingna iti entrance portion wenno pagserkan ti Ilocos Sur Provincial Hospital, Tamag, Vigan City.
Nabigbig ti biktima a ni Rosalinda Martinez Tabigne, agtawen iti uppat a pulo ket tallo, taga-Barangay Cabaroan Laud.
Nagreport ti biktima iti Vigan City Police Station a ti motorsiklona nga agmaris iti matte gray Mio Sporty ket mapukpukaw.
Iti pannaki-uman ti Bombo Radyo Vigan ken ni PLTCOL. Reynaldo Mendoza Jr., iti Vigan City Police Station, alas dos iti malem idi kalman (July 3), imparkingna ti motorsiklo iti entrance ti ospital ken adda kenkuana ti tulbke ngem nalipatanna nga in-lock, sakbay nga immuneg iti pasdek ta nagpasngay ti manugangna.
Idi sublianna ti nangiparkinganna iti motorsiklona iti alas sais itay bigat, naduktalannan a mapukpukaw isu a dagus a nagpatulong iti kapulisan.
Manarimaan met ti panagimbestigar dagiti pannakabagi ti linteg tapno mabigbig no asino ti posible a nangitaray iti lugan.
