Napukaw idiay Barangay Balaleng, Bantay, Ilocos Sur ti motorsiklo a kukua ti maysa a negosyante a ni Elmer Barroga Villegas, agtawen iti limapulo ket siam, taga-San Julian Norte, Vigan City.
Iti pannaki-uman ti Bombo Radyo Vigan ken ni Police Captain Donaldson Pagalanan, imparking ti kadua ni Villegas a ni Jaime Gutierres Bermejo ti motorsiklo a nakatulbek iti sangwanan ti Lady Monica Inn iti alas dose y media iti Hulyo 1.
Ngem iti alas kuatro iti parbangon iti isu met laeng nga aldaw, naduktalan a mapukpukaw ti motorsiklo.
Saan a dagus a pinakaamoan ni Bermejo ti akinkukua gapu iti butengna.
Idi Hulyo 8, iti alas otso iti rabii, idi buloden ti biktima ti motorsiklo nga intalekna ken Bermejo, isu ti panangaminnan a napukaw.
Pinadasda a biruken ti motorsiklo ngem saanda a nagballigi isu nga impakaammodan a dagus kadagiti pannakabagi ti linteg.
