Kitkitaenen dagiti pannakabagi ti linteg dagiti CCTV idiay Barangay Bagani Ubbog, Candon City tapno matakuatan no siasino dagiti nangbaklas iti motorsiklo ni RJ Naval Molina a taga-Barangay Palacapac.
Iti pannaki-uman ti Bombo Radyo Vigan ken ni Molina, napanda nagbuya kadagiti kaduana iti Octoberfest idi imparkingna ti motorsiklona iti asideg ti Candon City arena idin ta idi sublianna ti pumarbangon ket awanen a makitana.
Ket idi saanda a masapulan, nagpatulongda kadagiti pannakabagi ti linteg agingga nga iti kabigatanna ket adda nangisend kenkuana iti ladawan ti nalabaga a motorsiklona a nabaklas ti pilidna iti sango ken likod pakairamanan ti tambutso ken chain guard.
Innayonna a damona laeng a mapadasan ti mabaklas ti motorsiklona a saanna nga ammo isu a nagyaman met kadagiti nangtulong kenkuana a manggatang manen kadagiti parte ti luganna a nabaklas.
