Nagpanawagan ni Senador Erwin Tulfo a masigurado a mabenepisyaran ti minilyon a motorista iti plano a suspension iti excise tax iti petrolyo nga insingasing ti gobierno tapno maliklikan ti epekto ti nangina a presio ti langis.
Iti Senate Committee on Ways and Means idi Marso 11, nagballaag ni Tulfo kontra iti posibilidad a diesel laeng ti sakup ti tax relief.
Innayonna nga adu dagiti mabati a motorista, a gasolina ti ar-aramatenda no malimitaran laeng iti diesel ti sakup ti suspension ti excise tax.
Mapatta-patta nga 8.5 milion a Pilipino ti agar-aramat iti motorsiklo iti inaldaw kas kangrunaan a transportasion a sumrek iti trabaho wenno kas pagsapulanda.
Kabayatanna, nagballaag ti senador iti posible a panangpulitika iti panagipaay iti fuel subsidy.
