VIGAN CITY- Lima pulo ribo a pisos ti inted ni Governor Ryan Singson a gunguna ti Vigan City Police Station ta nabigbig ken natunton da dagiti driver nga inaramid da race track ti Calle Crisologo idi rabii ti September 22.
Segun ti Vigan City police station, dagiti naivideo ket isu Kim Patrick Paroligan nga agtawen ti sangapulo ket syam a mangal-ala iti kurso ti kina-maestro idiay Divine Word College of Vigan (DWCV) a taga-San Jose, Vigan City a nangdrive ti AEROX a kolor orange a ti kinalubbon na ket ni Jayvee Santiago Bilgera, SK chairman ti San Julian Sur, Vigan City nga agtawen ti sangapulo ket syam, nga estudyante ti University of Northern Philippines- Bachelor of Science in Secondary Education; Emerson Palacpac Reton, agtawen ti tallo pulo ket tallo, baro , agnaed idiay Resurrecion ,San Juan ken dati a mangisursuro idiay DWCV a driver ti Honda beat kenni Reymark Santiago Bilgera, agtawen ti dwa pulo ket syam, baro , 4th year student idiay DWCV ken taga-San Julian Sur, Vigan City a nagmaneho iti nangisit a MIO sporty.
Nagyaman ni Police Supt. Jugith Del Prado iti panangtitinnulong iti amin ,manipud kadagiti concerned citizen, ken barangay officials agingga iti media kas iti Bombo Radyo Vigan a nangifollow up iti nasao a video agingga a naaddaan da ti lead ti kinatao dagiti nagpataray ti lugan idiay Calle Crisologo.
