Imbestigaran ti Philippine National Police ti mapapati a donasyon dagiti Chinese spy iti kapulisan.
Dayta ket kalpasan nga imbutaktak ni PNP-Crime Investigation and Detection Group chief Brig. Gen. Nicolas Torre III ti impormasyon idi masaludsod no adda dagiti masursurot a pagannurotan ti PNP iti panangawat kadagiti donasyon manipud iti non-government organization ken dagiti foreign entities.
Segun ken ni Torre III, adda sursuroten ti PNP no adda foreign entities a mangipapaay iti donasyon a bambanag.
Maipalagip a rimuar ti damag a nagidonar iti motorsiklo da Wang Yongyi, Wu Junren, Cai Shaohuang ken Chen Haitao idiay Tarlac City ken iti kapulisan babaen kadagiti Chinese-backed group idi 2022.
Innayonna pay a nangted dagitoy iti sangapulo a Chinese-made motorcycle nga aggatad iti 2,500 a dolyar iti Manila police.
