VIGAN CITY- Bwineltaan ni Public Attorney’s Office (PAO) Chief Persida Rueda Acosta dagiti tattao a mangibagbaga nga agkurang ti ebidensiya da a mangpaneknek nga adda basol ni Health Secretary Francisco Duque III iti isyu ti dengvaxia ditoy pagilian isu a naabsuelto iti naipila kontra kenkuana a reckless imprudence resulting to homicide.
Ti pannaki-uman ti Bombo Rado Vigan, naibaga ni Acosta a kagiddan iti panangipila da ti motion for reconsideration inaig iti pannakaibasura iti kaso kontra ken ni Duque ket addan to ti idatag da a baro nga ebidensiya a mangpaneknek iti koneksyon na iti nasao nga isyu.
Inlawlawag ni Acosta a saan na a perpersonalen ni Duque ta ti ar-aramiden na laeng ket tultulungan dagiti nagannak dagiti ubbing a nabakunaan tapnu magun-od da ti hustisya para kadakuada.
