Lintegen kalpasan a naglapse into law ti Republic Act No 12027 a ti gagemna ket saanen nga ituloy ti panagaramat iti Mother Tongue kas medium of instruction para kadagiti Kindergarten agingga Grade 3 ken optional kadagiti monolingual classes.
Iti salinong ti baro a paglintegan, ti medium of instruction ket ti laengen Filipino ken English idinto a dagiti regional languages ket agserbi kas auxiliary media of instruction.
Mabalin nga ituloy dagiti monolingual classes ti panagaramat iti Mother Tongue kas medium of instruction no la ket masurotda ti official orthography ti Komisyon ng Wikang Filipino, documented vocabulary nga impablaak ti KWF, literature on languages and culture, grammar book, ken kaadda dagiti mangisursuro a makasao ken nasanay nga agisuro iti Mother Tongue.
Ti monolingual class ket ti grupo dagiti agad-adal a makasao iti isu met laeng a Mother Tongue ken nayenrol iti agpada a grade level iti uneg ti maysa nga school year.
Ti met Department of Education, babaen iti panangikonsulta iti KWF, ket nasken a makadevelop iti language mapping policy iti uneg ti maysa a tawen a pannakaipatungpal ti linteg.
