VIGAN CITY – Nakemmegen ti most wanted person iti national level nga isu ni Robert Manzano Lopez, ag-tawen tallopulo ket lima a taga-Barangay Poblacion, San Vicente iti naisayangkat nga Intel Driven Checkpoint iti national highway diay Brgy. Poblacion Sur, Lidlidda, Ilocos Sur.
Maysa ni Lopez kadagiti dua a suspek iti pammaltog a napasamak idiay Sitio Manganup Barangay San Sebastian, San Vicente idi Setyembre 2017 a nakatayan ti biktima a ni Frederico Ribuyaco Bisco, taga-Barangay Pudoc Norte, ti nasao nga ili.
Iti pannaki-uman ti Bombo Radio Vigan kenni PMAJ. Fernan Rivera iti Provincial Community Affairs Development Unit iti Ilocos Sur Provincial Office, sakbay ti pannakakemmeg ti suspek nakaawat ni PLTCol. Andrew Rabang ti impormasyon iti maysa a confidential informant nga agbiahe ti suspek manipod Mountain Province nga agturong idiay Candon City isu a nakikinnammayet ni Rabang iti Lidlida Municipal Police Station nga indauluan ni PCPT Minerva Rabang ken dagiti dadduma pay nga otoridad a mangisyuswat iti checkpoint a gappuanan ti pannakakemmeg ti suspek.
VOICE OF PMAJ FERNAN RIVERA
Immuna nga impila ti San Vicente Municipal Police Station iti Frustrated Murder kontra ti suspek ngem gapu ta natay iti biktima ket nag-motion da iti murder kontra kadagiti dua a suspek.
Gapu ti pannakakemmeg ti suspek ket makaawat ti gungguna a P140,000 ti confidential informant nga aggapu iti Department of Interior and Local Government.
Nagballaag ni Rivera kadagiti adda nakairamananna a kaso nga aglemlemmeng a masapul a sumukodan tapnu nadardaras a maleppas iti addang a maaramid.
VOICE OF PMAJ FERNAN RIVERA
