Dinutokan ni Pope Leo XIV ni Most Rev. David William Antonio, D.D. kas baro nga Archbishop ti Archdiocese of Nueva Segovia.
Ni Bishop Antonio ket agdama a bishop iti Ilagan idiay Isabela province ken maika-walo a metropolitan archbishop iti archdiocese iti probinsia.
Ti agtawen iti innem a pulo ket maysa a prelate ket indauluanna iti Ilagan diocese iti innem a tawen.
Sukatan ni Bishop Antonio ni Archbishop Marlo M. Peralta a nakadanonen iti retirement age a pitopulo ket lima.
Naipasngay idiay Nagtupacan, Sto. Domingo, Ilocos Sur, nagadal iti philosophy iti San Pablo Seminary idiay Baguio City ken theology iti Immaculate Conception School of Theology (ICST) iti Vigan City.
Na-ordain a padi para iti archdiocese idi 1988 ken nagun-odna to doctorate in theology manipod Catholic University of America idiay Washington, D.C.
Sakbay a nagbalin a bishop, nagserbi ni Antonio iti Nueva Segovia iti agduduma nga akem pakairamanan ti rector iti ICST ken vicar general iti archdiocese.
Idi June 2011, dinutokan isuna ni Pope Benedict XVI kas auxiliary bishop iti Nueva Segovia tapno asistaran ni Archbishop Ernesto Salgado, nga itan ket emeritus.
Isuna pay ti kaudian a Filipino bishop a dinutokan ni Benedict sakbay iti panagikkatna a pope idi 2013 gapu iti parikot iti salun-at.
Bayat ti panagserbina nga auxiliary bishop ket nagbalin nga apostolic administrator iti Apostolic Vicariate iti San Jose idiay Occidental Mindoro manipod March 2018 agingga February 2023, bayat ti panagserbina kas Ilagan bishop.
Kabayatanna, napalaus met iti panagyaman ni outgoing Archbishop Peralta ta naikkan ti gundaway a nagserbi iti Archdiocese iti uneg iti 11 years and 7 months ta ibilangna dayta a sagut manipod iti Namarsua. Nangrugi iti panagserbina nga arsobispo manipod March 31, 2014 agingga November 4, 2025.
