VIGAN CITY – Kinumpirmar ti Armed Forces of the Philippines a dimmalan ti kadakkelan a barko ti China nga asideg iti BRP Sierra Madre idiay Ayungin Shoal a sakupen ti West Philippine Sea.
Segun kenni AFP Public Affairs Office Chief Col. Xerxes Trinidad, dimmalan iti nasao a lugar ti China Coast Guard 5901 wenno ti naawagan a “The Monster Ship” gapo ta paset dayta ti nalawlawa nga intrusive-patrolda .
Malaksi iti dayta, immasideg pay ti barko iti Sabina Shoal nga isu ti nagpatrolan ti BRP Teresa Magbanua ti Philippine Coast Guard.
Inyunay unay ni Trinidad a naingetda nga imonmonitor ti aktibidad ti China iti West Ph Sea kas paset ti commitment a protektaran ti territorial integrity ken ti sovereign rights ti pagilian.
Panawagan ti militar iti amin a pagilian a respetoen ti internasyonal a linteg ken liklikanda dagiti tignay a mangpakaro iti tension iti WPS.
