VIGAN CITY – Nakasangpeten idi kalman ditoy probinsya ti Ilocos Sur ti South Korean girl group a ‘Momoland’ ket nagderetso da idiay Safari Hotel and Villas.
Segun kenni provincial tourism officer Ryan Astom, mangrugi ita nga aldaw ti panaglikmot ti korean group kadagiti sikat a tourist desitination ditoy probinsiya ket iyuna da ti scuba diving ken dadduma pay nga underwater activities ken agpasyar da idiay baluarte
Sumaranon to ti Pinsal falls idiay Sta Maria, Bantay Bell Tower, Calle Crisologo ken dadduma pay a pagpasayaran kadagiti sumarsasuruno nga aldaw.
Inlawlawag ni astom a ti panagpasyar ti Momoland ket agaramid da ti ‘promotional video’ kadagiti tourist destination ditoy probinsya nga ipabuya danto iti maysa a reality show idiay South Korea ken kadagiti dadduma a pagilian iti Southeast Asia
Kabayatanna, kagiddan iti mini concert ken fans interaction ti Momoland inton Disyembre 9 idiay Tamag grounds ket maiyuswat to ti tourism application ti para kadagiti Andriod ken Smartphone users a pagkitaan kadagiti impormasyon para kadagiti turista a kayat na ti bumisita ditoy probinsya.
