--Ads--
Pimmusayen iti tawen a walopulo ket siam ti Barretto matriarch a ni Estrella “Mommy Inday” Barretto.
Kinumpirmaran ti maysa nga anakna a ni Joaquin “JJ” Barretto ti damag iti social media babaen ti ladawan a nakasindi a kandela nga adda caption-na a “Rest in peace, Mom. I love you”.
Idi napan a lawas naiyakar ni Mommy Inday iti Intensive Care Unit iti Saint Luke’s Medical Center idiay BGC, Taguig kalpasan a kimmaru iti kasasaadna.
Saan pay a sigurado no ania iti rason ti nakatayanna ngem naipakaammo idi September 2024 nga adda lupusna.
-- ADVERTISEMENT --
Maipalagip a manipod iti umuna a lawas iti Enero ket naka-confine iti ospital ni Mommy Inday ken imbingay ni JJ iti social media iti kasasaad ti inana agingga iti pannakatayna.
