Naisakupen iti Modified Enhanced Community Quarantine iti ili ti Cabugao manipud idi kalman agingga inton July 1.
Nupay kasta, masurot latta dagiti pagannurotan kas ti panagusar iti facemask ken faceshield, panagbuggo iti ima
Dagiti mapalubosan laeng met a rumuar ket dagiti health ken emergency frontliners, empleyado ti gobierno, dagiti mapan agpaagas ken dagiti dadduma pay a napateg ti gagarada.
Mabalin ti makimisa wenno makigimong ngem malimitaran laeng iti sangapulo a porsiento ti kapasidadna kasta met a maiparit ti aniaman a klase ti panagpasken.
Maysa laeng met ti aglugan iti kada traysikel ken maipalubos ti panagkalubbon iti motorsiklo no agkabbalay ti drayber ken ti agbackride.
Mabalin ti aglako iti arak ngem masapul a malimitaran ti uminom ken iti laeng uneg ti pagtaengan a maipalubos.
Malaksid ti dayta, maipatungpal ti alas otso iti rabii a curfew agingga alas singko iti agsapa
Kabayatanna, ditoy siudad ti Vigan ket mapagtataripnonganto pay laeng no mapalukayan ti quarantine status kas impakaammo ni Mayor Juan Carlo Medina
