Inbilin ni Bureau of Corrections Director General Gregorio Pio Catapang Jr. nga i-modify dagiti training courses tapno makaawis ti ad-adu nga aplikante ken mapno dagiti kasapulan ti ahensiada gapo iti kinakurang dagiti baro a rekrut nga addaan ti nangato a technical qualifications.
Segun ken ni Catapang, iti agdama, awananda kadagiti Medical Doctors, Nurses, Pharmacists, Teachers, Guidance Counselors, Priests, ken dadduma pay a highly technical professions gapu iti kinarigat ti physical activities iti training tunggal agaplikarda iti trabaho.
Innayon ti heneral a mabuteng dagiti aplikante nga agaplay iti BuCor gapu iti physical training.
Tapno masolbar ti problema, adda dagiti baliwanda para kadagiti aplikante kas iti pannakapaababa ti panagsanayda iti 45 nga aldaw no idilig iti napalabas nga innem a bulan.
Kasta met a posible a malimitaran met ti panagsanayda iti executive training course menos nga isu dagiti naddagsen a physical activities
Kinunana pay a saanen a kasapulan ti military haircut nu di ket short hair haircut laeng ti kasapulan
Iti biang iti sueldo, mangrugi iti P29,668 agingga iti P91,058 iti kada bulan depende iti posision.
